Salyanda qənnadı məmulatları sexində nöqsanlar aşkarlandı (FOTO)

Xəbər - İlhamə İsabalayeva – Trend:

Azərbaycan Respublikasının Qida Təhlükəsizliyi Agentliyi (AQTA) Salyanda unlu-qənnadı məmulatların istehsalı sexində yoxlama keçirilib.

Agentlikdən AzerTimes-a verilən məlumata görə, Salyan rayonu, X.R.Ulutürk, ev 8, mənzil 14 ünvanında fəaliyyət göstərən fiziki şəxs Nəcəfov Arif Mirzəağa oğluna məxsus unlu-qənandı məmulatların istehsalı sexində yoxlama keçirib. Yoxlama zamanı müəssisədə xammalların saxlanılması üçün anbar sahəsinin mövcud olmadığı, xammal kimi istifadə olunan un, yumurta, ədviyyatlar və digər məhsulların birbaşa istehsal sahəsində temperatur rejiminə riayət edilmədən saxlanıldığı müəyyən edilib.

Un kisələrinin istehsal sahəsində birbaşa döşəmənin üzərində divara bitişik saxlanıldığı, məhsulların hazırlanmasında istifadə olunan əsas xammallardan unun ələkdən keçirilmədiyi aşkarlanıb.

Aşkarlanan nöqsanlarla bağlı müəssisənin fəaliyyəti ilə bağlı qanunvericiliyin tələblərinə uyğun tədbirlər görülüb. Faktla bağlı araşdırma davam etdirilir.

Teqlər: