Şadlıq saraylarında sifarişlər azalıb – Qiymətlər dəyişəcək?

Xəbər - Elçin Mehdiyev – Trend:

Azərbaycanda Məhərrəm ayı başlayandan sonra şadlıq saraylarında sifarişlər xeyli azalıb.

Bu barədə AzerTimes-a İqtisadi və Sosial İnkişaf Mərkəzindən (CESD) məlumat verilib.

Qeyd edilib ki, avqustun 10-da Məhərrəm ayı başlayır, daha sonra Səfər ayı gəlir və bunlar ümumilikdə təqribən 2 ay ərzində davam edir.

Bu müddət ərzində şadlıq saraylarında sifarişlər kəskin azalır. Sentyabr ayı üçün sifarişlərin sayı xeyli azalıb. Lakin növbəti aydan şadlıq saraylarında sifarişlər çoxalacaq. Məlumdur ki, bir çox insanlar toy mərasimlərini bu iki ayın bitməsindən sonrakı dövrə planlaşdırır. Bu baxımdan oktyabrın 2-ci ongünlüyündən etibarən şadlıq saraylarında sıxlıq olacağı düşünülür.

Şadlıq saraylarında qiymətlərə gəlincə isə Mərkəzdən bildirilib ki, pandemiyadan sonra bu məkanlarda qiymət artımı baş verib və məhərrəmlikdə sifarişlərin azalması qiymətlərin ucuzlaşmasına səbəb olmayıb.

Qeyd edək ki, şadlıq saraylarının fəaliyyətinə bu ilin iyul ayından etibarən icazə verildikdən sonra pandemiyadan əvvəlki dövrlə müqayisədə qiymətlər 18-20 faiz bahalaşıb.

Twitter: @ElchinMehdiyev

Teqlər: