Bakıda ölümlə nəticələnən yanğın hadisəsi qeydə alınıb.
Fövqəladə Hallar Nazirliyinin (FHN) verdiyi xəbərə görə, Bakının Pirallahı rayonunda vətəndaşa məxsus ümumi sahəsi 40 m² olan birmərtəbəli, 3 otaqlı evin 2 otağının yanar konstruksiyaları 20 m² sahədə yanıb.
Yanğın kəşfiyyatı zamanı ev sahibi, 1941-ci il təvəllüdlü Aginin Oleq Dmitriyeviçin yanmış meyiti aşkar edilib.
Evin qalan hissəsi yanğından mühafizə olunub. Yanğın saat 02:58-də yanğınsöndürənlər tərəfindən söndürülüb.