Ötən ilin dövlət büdcəsinin gəlir və xərcləri nə qədər olub? – Nazirlik açıqladı

Xəbər - Elçin Mehdiyev – Trend:

2020-ci ilin icmal büdcəsinin gəlirləri 24 milyard 462,5 mln. manat təşkil edib ki, bu da proqnoza nisbətən 2099,6 mln. manat və ya 9,4 faiz çoxdur.

Bu barədə AzerTimes-a Maliyyə Nazirliyindən məlumat verilib.

Bildirilib ki, 2020-ci ilin icmal büdcəsinin xərcləri 29 milyard 160,3 mln. manat olub ki, bu da 2019-cu illə müqayisədə 2 milyard 654,2 mln. manat və ya 10,0 faiz çoxdur. İcmal büdcənin kəsiri 4 milyard 697,8 mln. manat təşkil edib ki, bu da proqnoza nisbətən 40,9 faiz azdır.


2020-ci ildə dövlət büdcəsinin kəsiri 1 milyard 737,1 mln. manat, ümumi daxili məhsulun 2,4 faizini təşkil etmiş və ya proqnozlaşdırılan kəsir məbləğindən 1631,1 mln. manat və ya 48,4 faiz az olub.

Kəsirin qarşılanması aşağıdakı mənbələr, o cümlədən 800,5 milyon manatı xaricdən cəlb edilmiş kreditlər, 283,6 milyon manatı qiymətli kağızların yerləşdirilməsindən daxilolmalar, 591,5 milyon manatı 2020-ci ilin 1 yanvar tarixinə olan dövlət büdcəsinin vahid xəzinə hesabının qalığı və 61,5 milyon manatı özəlləşmədən daxilolmalar hesabına həyata keçirilib.

Teqlər: