Mehman Əliyevin növbəti məhkəmə prosesi keçirildi

Mehman Əliyevin növbəti məhkəmə prosesi keçirildi

Bu gün (6 sentyabr) “Turan” İnformasiya Agentliyinin direktoru Mehman Əliyevin növbəti məhkəmə prosesi keçiriləcək.

Mehman Əliyev barəsində həbs qərarının girovla əvəz edilməsi ilə bağlı məhkəməyə müraciət edib.

Proses Yasamal Rayon Məhkəməsində keçiriləcək.

Qeyd edək ki, Mehman Əliyev 2017-ci il avqustun 24-də şübhəli şəxs qismində saxlanılıb. Ona Cinayət Məcəlləsinin 192.2.2 (qanunsuz sahibkarlıq), 213.1 (vergi ödəməkdən yayınma) və 308.1-ci (vəzifə səlahiyyətlərindən sui-istifadə) maddələri ilə ittiham elan edilərək, Yasamal rayon Məhkəməsinin qərarı ilə barəsində həbs qətimkan tədbiri seçilib.

Yeni xəbər15:30

Yasamal Rayon Məhkəməsində “Turan” İnformasiya Agentliyinin baş direktoru Mehman Əliyev barəsində həbs-qətimkan tədbirinin girov müqabilində dəyişdirilməsi ilə bağlı verilən vəsatətə baxılıb.

Hakim Azər Tağıyevin sədrlik etdiyi məhkəmə iclasında vəsatət təmin edilməyib.