Kürdəmir rayonunda kişi keçmiş arvadını yandırıb.
DİN-in mətbuat xidmətindən verilən məlumata görə, hadisə iyunun 9-da qeydə alınıb. Rayonun Muğanlı kəndində kişi keçmiş həyat yoldaşının işlədiyi sahəyə gedərək orada qadını münaqişə zəminində yandırıb.
İstintaq getdiyi üçün tərəflərin kimliyi hələ ki, açıqlanmır.
Zərərçəkən qadın hazırda Bakı şəhərində yerləşən xəstəxanaların birində müalicə olunur. Hadisəni törətməkdə şübhəli bilinən keçmiş ər saxlanılıb.
Faktla bağlı Cinayət Məcəlləsinin müvafiq maddəsi ilə cinayət işi başlanılıb, istintaq aparılır.
Qeyd edək ki, hadisəylə bağlı ilk məlumatı mediapost.az saytı yayıb.