İraqın Ərbil şəhərinin hava limanının ərazisinə partlayıcı maddələrlə doldurulmuş dronlarla hücum edilib.
AzerTimes-ın “İnterfaks”a istinadən verdiyi məlumata görə, hücumlar zamanı baş verən partlayışlar nəticəsində ölən və xəsarət alan olmayıb.
Bildirilir ki, hava limanının ərazisində təxminən 6 partlayış baş verib.
Qeyd edək ki, Ərbil şəhərinin hava limanı yaxınlığında ABŞ hərbçiləri yerləşdirilib. Onlar son bir il ərzində bir neçə dəfə hücuma məruz qalıblar.