“Google” axtarış sistemi Azərbaycanda populyarlığını qoruyub saxlayır

Xəbər - Sədrəddin Ağcayev, tərcümə Orxan Nəbiyev – Trend:

2021-ci ilin yanvarında Azərbaycanın axtarış sistemi bazarında 96,14 faiz paya sahib olan “Google” ölkədə ən populyar axtarış sistemi kimi qalmaqda davam edir.

Trend bu barədə “Global Stats” statistika mərkəzinə istinadən məlumat verir.

Dekabr ayı ilə müqayisədə “Google” axtarış sisteminin payı 0,28 faiz artıb.

Hesabat dövründə “Yandeks.Poisk” axtarış sisteminin payı 0,01 faiz azalaraq 2,29 faiz təşkil edib.


“Yandex” axtarış sisteminin payı isə 0,12 faiz azalaraq 0,6 faizə bərabər olub.

Eyni zamanda “Yahoo”nun bazardakı payı 0,02 faiz azalıb və 0,38 faiz təşkil edib.

Azərbaycanın axtarış sistemi bazarında 0,59 faiz digər axtarış sistemlərinin payına düşüb.