Ermənistan silahlı qüvvələri tərəfindən Gəncə atəşə tutulub.
Müdafiə Nazirliyi bu barədə məlumat yayıb.
Bildirilir ki, düşmən Gəncə şəhərini Ermənistan ərazisindən atəşə məruz qoyub.
Erməni tərəfinin guya Gəncə şəhərindəki hərbi obyektlərin vurulması ilə bağlı yaydığı xəbər təxribat xarakteri daşıyır və yalandır.
Qeyd olunub ki, düşmən tərəfindən açılan atəş nəticəsində dinc sakinlərə, mülki infrastruktura və qədim tarixi tikililərə ziyan dəyib.
