<и>Fənərbaxçanın yeni transferi Roberto Soldado İstanbula gəlib.
İspaniyalı hücumçu hava limanında bir qrup azarkeş tərəfindən coşğu ilə qarşılanıb.
Türkiyə mətbuatında yer alan xəbərlərdə istanbulluların oyunçu üçün klubu “Vilyareal”a 10 milyon avro ödəyəcəyi bildirilib.
Qeyd edək ki, İspaniya millisinin üzvü bu gün tibbi müayinədən keçdikdən sonra “Fənər”lə müqavilə imzalayacaq. 32 yaşlı forvard müxtəlif illərdə “Real” (Madrid), “Valensiya”, “Tottenhem Hotspur” kimi klublarda oynayıb.
