Ermənistanda koronavirusa yoluxanların sayı 167 min nəfəri ötüb

Ermənistanda ötən sutka ərzində yeni növ koronavirusa 125 yoluxma halı qeydə alınıb, 9 nəfər koronavirusdan ölüb.

AzerTimes-ın erməni KİV-lərinə istinadən verdiyi məlumata görə, ölkədə koronavirusa yoluxanların ümumi sayı 167 026 nəfərə çatıb.

Bildirilir ki, hazırkı dövrədək koronavirusa yoluxanlardan 3 080 nəfər ölüb, 157 519 nəfər isə sağalıb. Hazırda 5 658 nəfərin müalicəsi davam edir.