Əmək və Əhalinin Sosial Müdafiə Nazirliyində işçilər kütləvi ixtisara məruz qalır.
Yenicag.az-a daxil olan məlumata görə, Əmək və Əhalinin Sosial Müdafiə Nazirliyində (ƏƏSMN) işçilərin kütləvi şəkildə ixtisar edilməsi ciddi narazılığa səbəb olub.
Belə ki, əhalinin sosial vəziyyətinin çətinləşdiyi pandemiya dönəmində işsiz qoyulan əməkdaşlardan bəziləri Nazirliyə gedərək öz etirazlarını bildiriblər.
Redaksiyamıza daxil olan videodan da aydın görünür ki, Nazirliyin binasında heç bir səbəb göstərilmədən ixtisara salınan əməkdaşlara müəyyən təzyiq göstərilir.
Bu məsələni dəqiqləşdirmək üçün sözügedən Nazirliyin mətbuat xidmətinin rəhbəri Fazil Talıbovla əlaqə saxlamağa çalışsaq da, cəhdlərimiz uğursuz olub.
Qeyd edək ki, prezident İlham Əliyevin pandemiya dönəmində işçilərin ixtisar olunmaması haqda tövsiyəsinə baxmayaraq, əhalinin sosial müdafiəsini təmin etməli olan ƏƏSMN-də kütləvi ixtisar həyata keçirilir.
Mövzunu davam etdirəcəyik.
Gülşən Şərif
www.yenicag.az