Xəbər - Nərgiz Sadıxova, tərcümə Orxan Nəbiyev – Trend:
Beynəlxalq Qırmızı Xaç Komitəsi (BQXK) Azərbaycana lazım olan yerdə və vaxtda dəstək göstərə bilər.
Bunu AzerTimes-a BQXK-nin Bakıdakı nümayəndəliyinin rəhbəri Arian Bauer deyib.
Onun sözlərinə görə, 2020-ci il ərzində BQXK Qarabağ münaqişəsin nəticəsində zərər çəkmiş şəxslərə səmərəli humanitar yardım göstərib:
“İl ərzində COVID-19 pandemiyası, daha sonra payızda döyüş əməliyyatları ona gətirib çıxardı ki, BQXK əvvəlcədən planlaşdırılmış əməliyyatlarını genişləndirməli və uyğunlaşdırmalı oldu”.
O əlavə edib ki, BQXK Azərbaycanın müvafiq strukturları ilə sıx təmasdadır və lazım olan yerdə və vaxtda dəstək göstərə bilər:
“Beynəlxalq Qırmızı Xaç və Qırmızı Aypara Federasiyası ilə birgə ehtiyacların qiymətləndirilməsi, müvafiq dəstəyin göstərilməsi və potensialın möhkəmləndirilməsi üzrrə Azərbaycan Qızıl Aypara Cəmiyyəti ilə əməkdaşlıq davam etdirilir”.