BMT Təhlükəsizlik Şurası Quterreşi baş katib vəzifəsində ikinci müddət üçün tövsiyə edib

Xəbər - AzerTimes:

BMT Təhlükəsizlik Şurasının (TŞ) iclasında BMT-nin hazırkı baş katibi Antonio Quterreşin namizədliyinin bu vəzifədə ikinci müddətə irəli sürülməsi tövsiyə edilib.

AzerTimes-ın “TASS”a istinadən verdiyi məlumata görə, bunuTəhlükəsizlik Şurasının hazırkı sədri, Estoniyanın BMT-dəki daimi nümayəndəsi Sven Yurqenson deyib.

S.Yurqenson bildirib: “BMT Təhlükəsizlik Şurası BMT Baş Assambleyasına Antonio Quterreşin 1 yanvar 2022 – 31 dekabr 2026 tarixləri üçün BMT Baş Katibi vəzifəsinə ikinci müddətə təsdiq edilməsini tövsiyə edib”.


Estoniyalı diplomat qeyd edib ki, A.Quterreşin namizədliyi üzrə səsvermə BMT Baş Assambleyasında iyunun 18-i keçiriləcək.