Bir nəfər Kürdə boğuldu

Bir nəfər Kürdə boğuldu

Neftçala rayonunda 1 nəfər Kürdə batıb.

Fövqəladə Hallar Nazirliyinin (FHN) verdiyi xəbərə əsasən, 27 mart 2017-ci il tarixində Fövqəladə Hallar Nazirliyinin Böhran Vəziyyətlərində İdarəetmə Mərkəzinə, Kür çayının Neftçala rayonu ərazisindən keçən hissəsində (ən yaxınlıqdakı məntəqədən 25 km aralıda, nəzarətsiz ərazidə) 1 nəfərin batması barədə məlumat daxil olub.

Dərhal Nazirliyin dalğıc-xilasediciləri hadisə yerinə cəlb olunub və vətəndaşın axtarışlarına başlanılıb. 01 aprel 2017-ci il tarixində 1976-cı il təvəllüdlü Əsədov İsmayil Şərif oğlunun cəsədi batdığı yerdən çıxarılaraq aidiyyatı üzrə təhvil verilib.

Əməliyyat saat 16:48-də başa çatıb.