2021-ci ilin fəaliyyət planına əsasən Müdafiə Nazirliyinin dəstəyi və Beynəlxalq Qızıl Xaç Komitəsinin (BQXK) təşkilatçılığı ilə H.Əliyev adına Azərbaycan Ali Hərbi Məktəbinin kursantları üçün seminar keçirilib.
Müdafiə Nazirliyindən AzerTimes-a verilən məlumata görə, seminarda BQXK-nin Azərbaycan nümayəndəliyinin əməkdaşları şəxsi heyət qarşısında “BQXK-nın mandatı və fəaliyyəti, Beynəlxalq Humanitar Hüquqa giriş” mövzusunda çıxış edib və onları maraqlandıran sualları cavablandırıblar.