Bakıda yolların buz bağlaması əsas prospektlərdə sıxlıq yaradıb – BNA

Xəbər - Samir Əli – Trend:

Bakıda gecə yolların buz bağlaması səhər saatlarında avtomobillərin sıxlığına səbəb olub.

Bu barədə AzerTimes-a açıqlamasında Bakı Nəqliyyat Agentliyinin (BNA) Mətbuat katibi Mais Ağayev deyib.


O bildirib ki, hazırda paytaxtın Ziya Bünyadov prospekti hər iki istiqamətdə, Heydər Əliyev prospekti şəhər istiqamətində və Hava Limanı magistral yolu hər iki istiqamətdə sıxlıqdır: “Yolun buz bağlaması nəticəsində Zığ – Hava Limanı yolunda zəncirvari qəzalar da baş verib. Sürücülərdən xahiş edirik ki, bu cür hava şəraitini nəzərə alaraq yollarda ehtiyatlı olsunlar, sürət həddinə əməl etsinlər”.

Teqlər: