Yaponiyanın Baş naziri Yoşihida Suqa və ABŞ Prezidenti Cozef Baydenin ilk görüşü 9 aprel tarixində Vaşinqtonda keçirilə bilər.
Trend TASS-a istinadən xəbər verir ki, bu barədə bazar günü “Yomiuri” qəzeti məlumat verib.
Hazırda iki ölkə hökumətləri tərəfindən müvafiq məsələ üzrə hazırlıq işləri aparılır. Suqanın 8 apreldə Yaponiyanı tərk edəcəyi və 10 apreldə ölkəyə dönəcəyi gözlənilir. Eyni zamanda, ABŞ-da onun iştirakı ilə planlaşdırılan tədbirlərin sayı koronavirusun yayılmasının qarşısını almaq tədbirləri çərçivəsində məhdudlaşdırılacaqdır.